Llanes va abrir esti fin de selmana'l nuevu parking d'autocaravanes

Los autocaravanistes tán satisfechos cola actuación municipal

Llanes va abrir esti fin de selmana'l nuevu parking d'autocaravanes. La villa va cuntar con cerca d'un centenar de places pa esti tipu de turismu esti branu. Los autocaravanistes tán satisfechos cola actuación municipal.

Los técnicos del Conceyu tán executando, estos díes, les obres d'ampliación del parking d'autocaravanes de la capital llanisca pa dotalu de servicios públicos. Los autocaravanistes van poder duchase y usar el serviciu gratuitamente a partir d'esti fin de selmana, pero solo van poder dormir.

La villa llanisca cuenta, anguaño, con un parking pa 19 autocaravanes colos servicios básicos pa esti tipu de turismu, pero tán ampliando la ufierta con 45 places más. Los autocavanistes tamién van poder dormir nos estacionamientos de la cai Francisco Mijares, pero van tener prohibida l'acampada.

El Conceyu tamién recuerda qu'hai 400 places más pa esti tipu de vehículos nos campings del conceyu llaniscu.