Lorena Menéndez, primera muyer con diabetes en completar la 'Titan Desert'

Conocer bien una enfermedá ye clave pa sobrellevala

A Lorena Menéndez diagnosticáron-y diabetes xestacional tando embaranzada, va 11 años. Nel octavu mes llegó a tar ingresada nel Hospital de Cabueñes. La diabetes diba quedar pa siempres.

Treslladó los sos mieos a los profesionales de la unidá d’endocrinoloxía del hospital. Cuando descubrió que podía siguir faciendo deporte siempres que deprendiere a controlar la enfermedá, nun lo duldó, competiría na 'Titan Desert' de Marruecos.

La 'Titan Desert' ye’l 'Tour de Francia' de la mountain bike: seis etapes de 100 kilómetros, atravesando’l desiertu. Convirtióse na primer muyer diabética n’acabala.

Too ensin que la diabetes-y diere nengún problema. Consciente de que conocer bien esta enfermedá ye clave pa sobrellevala, Lorena desendolcó una vertiente didáctica. Tresllada la so esperiencia a escolares de toa Asturies.

A los sos 44 años yá mira pal so retu viniente cola so bicicleta, en Sudáfrica.