Los Robles y Peñamayor, investigaos por caltener la dixebra por sexos

Los inspectores de la Conseyería d’Educación afitaron que dos colexos concertaos, Los Robles y Peñamayor, siguen dixebrando por sexos al so alumnáu de primeru de Primaria. Los dos centros, según señala Educación, comprometiéronse a dir inxertando a alumnáu de los dos sexos dende esi cursu. Esta yera la condición indispensable pa siguir recibiendo ayudes públiques. Sicasí, los inspectores afitaron que nel colexu Los Robles había 15 neños matriculaos esti cursu en primeru de Primaria y nin una sola neña, mientres que nel Peñamayor había 21 neñes y nengún neñu.