Una ventena d’investigadores de la Universidá d’Uviéu acaben de volver de les sos estancies en centros internacionales de renomáu prestixu. Una formación que facilita’l desensolcu de nuevos métodos d’análisis en tolos campos. Dos químicos y una psicógola cuntaron la so esperiencia.
Laura Suárez, doctoranda en Química Analítica, trabaya p’afitar si’l mercuriu presente nel cuerpu humanu vien de la contaminación o de la dieta. Na so estancia de tres meses na ciudá belga de Gante pudo avanzar a mayor ritmu.
El campu d’estudiu de la Química Analítica tamién llevó a Jesús Nicolás a trabayar en Viena los últimos meses del añu. Hasta ellí llevó’l microocle del so proyectu pa investigar con nuevos reactivos.
Los centros conveníos son punteros n’árees específiques, como la Universidá de Nottingham en Ciberpsicoloxía.
Les Severo Ochoa bequen a 70 investigadores de la Universidá d’Uviéu pa cuatro años. D’estos 70, una ventena son seleccionaos pa qu’amplíen la so trayectoria nel estranxeru.
Según comenten, una esperiencia profesional y personal mui positiva, a pesar de la pandemia.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL