Los asturianos van de turismu n'autocaravana

Hoteles y cases rurales tán cerraos poles restricciones de la COVID-19

Los asturianos van de turismu n'autocaravana per tola rexón. El turismu nesti tipu de vehículos ye una alternativa pa estos díes nos que los hoteles y cases rurales asturianes tán cerraos poles restricciones de la COVID-19.

La familia Rodríguez Gallardo entamó les vacaciones de Selmana Santa faciendo turismu nuna autocaravana pel conceyu llaniscu.

Salieron ayeri de Mieres col enfotu de pasar unos díes pela mariña de Xixón, pero acabaron na villa llanisca porque les árees de serviciu pa esti tipu de vehículos taben prácticamente enllenes nel centru de la rexón.

La familia de Biarce salió estos díes de Xixón con dirección a la mariña de Castrillón pa esfrutar de requexos tan espectaculares como la sablera de Salinas. Fáenlo cola so autocaravana, pero tamién lleven el so vehículu avezáu pa movese con mayor facilidá.

L'área de autocaravanes de Tapia  ta estos díes prácticamente completa con una ocupación del 80% de la so capacidá total.