Los camping prevén una ocupación del 90% pel branu

La mayoría tán zarraos, solo tán abiertos los de llarga estancia

Solo 15 campings n'Asturies tán abiertos, los que cunten con llargues estancies. Los demás, quieren abrir ente la segunda quincena de mayu y la primera de xunu. Nun hai priesa, dicen, porque la Selmana Santa, una dómina clave, yá pasó. Eso sí, pal branu esperen superar el 90% d'ocupación.

El cámping Picos d'Europa nun piensa abrir hasta'l 1 de xunu. Anque'l 9 de mayu ye probable que se llevante l'estáu d'alarma. El so propietariu Ramón Álvarez cree qu'inda hai muncha incertidume y qu'a estes altures nun hai priesa por abrir, y menos cuntando colos ERTEs.

Como'l suyu, más del 40% de los campings asturianos tán zarraos. Solo abrieron alredor d'una quincena, los que cunten con llargues estancies, como'l de Perlora.

De cara al branu, eso sí, les mires son bones y confíen en superar el 90% d'ocupación.

La so esperanza ta nun branu ensin confinamientos, onde la pandemia dea a toos un respiru.