Los funcionarios de Xusticia intenten forzar una xunta col Ministeriu

Nueva movilización de los funcionarios pa esixir la meyora de les sos condiciones llaborales

El comité de fuelga de los funcionarios de Xusticia en Madrid, ta tratando de forzar una xunta col Ministeriu. Pidieron al presidente del Gobiernu qu’interceda pa que Xusticia puea sentase a negociar con ellos, con independencia de la convocatoria adelantada d’elecciones. Entienden que ta en plenes competencies pa llegar a alcuerdos.

Equí n’Asturies, los funcionarios volvieron a concentrase güei ente los xulgaos d’Uviéu pa esixir la meyora de les sos condiciones llaborales. Aseguren que siguirán cola fuelga indefinida entamada’l 22 de mayu mientres nun se llegue a un alcuerdu. Cumplen yá siete selmanes de movilizaciones.