Los logopedes piden presencia na rede pública d'enseñanza

La profesión de logopeda ye entá una gran desconocida

Los logopedes consideren que la so profesión ye entá una gran desconocida, inclusive ente’l restu de profesionales de la salú. Anque reconocen que les competencies fueron afitándose, piden presencia na rede pública d’enseñanza. Va 25 años que se graduó la primer promoción na Universidá d’Uviéu.

L’HUCA y l’Hospital de Cabueñes cunten con un total de 10 logopedes que trabayen nel área de rehabilitación. Nesti sector ye oonde Liliana y Paloma desendolquen la so profesión. Elles formen parte de la primer promoción de logopedes de la Universidá d’Uviéu.

Ainhoa cursa segundu añu y sabe daveres que-y gustaría tratar persones con trestornos del espectru autista.

Les competencies d’esta disciplina tán más clares que va 25 años anque, dicen, la logopedia sigue siendo una gran desconocida.

Y de cara al avieyamientu de la población, defenden, los logopedes sedrán cada vegada más necesarios.

Reclamen poder acceder a los colexos de la rede pública, anque namás puen trabayar si se titulen, amás, como maestros d’Audición y Llinguaxe. Consideren que, anque la so profesión ye cada vegada más valorada, entá hai un gran desconocimientu de qué ye exactamente lo que faen.

La logopedia ye una disciplina de la rama sanitaria con bases na psicoloxía y la medicina. Les sos competencies van más allá de pronunciar la 'r' de forma correcta.