Los meyores de la EBAU

Diez estudiantes sacaron un diez n'Asturies

Son más mozos y moces brillantes que nunca. Diez sacaron un diez na fase obligatoria de la EBAU. Cinco en Xixón, tres n'Uviéu, ún de Siero y ún en Cangas del Narcea. Cuatro formáronse en centros públicos y seis en privaos. Destaca'l Colexu Corazón de María de Xixón, onde salieron tres d'esta decena d'alumnáu escelente.

José Manuel Martínez entá ta asimilando la nota que sacó. Faciendo toles midíes roza'l 14, asina que tien aseguráu l’accesu a la carrera de los sos suaños: Medicina.

Tampoco lo cree entá Miguel Piquero. Sí esperaba sacar la máxima nota en Matemátiques, la so favorita, pero non en too. Fadrá'l doble grau de Matemátiques y Físiques. Nel so casu amás hubo una torga amestada. Estudiar nun institutu con barracones pola alta ocupación.

Cunten que nun hai trucu pa tener estos resultaos y agora tóca-yos descansar y esfrutar del branu enantes de llegar a la universidá.