Los profesores de llingua asturiana denuncien que los puntos de los sos méritos nos procesos d'estabilización de places menguaron a la metá

Los afectaos constituyeron una asociación pa defender les sos reivindicaciones

Hasta agora, la especialidá na que trabayaren los profesores de llingua asturiana cuntaba lo mesmo. Pero nos procesos d’estabilización mengua a la metá la puntuación de los méritos de les especialidaes. Decatáronse na anterior convocatoria d’oposiciones apunta Claudia Menéndez, presidenta de l'Asociación de Docentes d’Asturianu y Gallego-Asturianu.

Saben qu’esi cambéu ye posible. Fízose colos profesores técnicos de FP esta selmana. Amás, yá-yos anunciaron que va a pasar lo mesmo cola bolsa d’interinos. Y tienen más reivindicaciones. D’ehí la nueva asociación, que ta constituyida por unos 120 docentes.