Asturies va tar meyor preparada en casu de rebrote, gracies a proyectos como les pantayes feches en 3D pola comunidá maker. El director del Centru d'Innovación de Thyssenkrupp, Javier Sesma, esplicó nuna entrevista en TPA Noticies Matinal, qu'agora garren puxu diseños que favorecen la distancia social, la hixenización y la dixitalización.
ThyssenKrupp contribuyó a retocar el diseñu maker de les viseres escontra'l COVID.19 y certificalu. El nuevu modelu meyora la visión, evita aristes y pue ser usáu dende en sanidá hasta nel comerciu. Un trabayu en rede d'empreses y particulares que va sirvir sobre manera si aumenten los contaxos.
En ThyssenKrupp tán fabricando 20 pantayes al día en toa Asturies, la comunidá fixo cerca d'un millón. Too con hores voluntaries mientres siguen colos sos proyectos, como un tubu pa protexer pasiellos rodantes o un sistema d'atraque de pasareles p'aviones ensin necesidá de operarios.
L'apuesta agora pasa, según esplica Sesma, por soluciones dixitales o que favorezan el distanciamientu social. Proyectos nos que yá trabaya'l centru d'I+D de Thyssen en Xixón.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL