Los vecinos de Perlora denuncien la falta de llimpieza de l'antigua ciudá vacacional

El Principáu indica que se lleva alantre un caltenimientu añal que se refuerza nel periodu estival

Restos de residuos como bolses o botelles de plásticu fuera de la papelera ye la imaxe qu'atopó a finales d'esta selmana los visitantes del merenderu de la playa de Güelgues, unu de los varios que tien el complexu vacacional de Perlora. Los vecinos de la zona denuncien que nun ye una situación nueva.

La Conseyería de Facienda lleva alantre los llabores de caltenimientu qu'inclúi la siega de zones verdes, la llimpieza de viales o la recoyida de basura por un importe añal de 90.000 euros. De mayu a ochobre, aumenta la frecuencia del serviciu. Esti refuerzu estival pasará a ser permanente con un nuevu contratu llicitáu pola Dirección Xeneral de Patrimoniu por un importe de 150.000 euros.

Per otru llau, dende'l Conceyu de Carreño siguen pendientes de l'aprobación del documentu urbanísticu PERI por parte de l'alministración asturiana.

L'oxetivu del consistoriu carreñín ye convertir l'antigua ciudá vacacional nun motor socioeconómicu del conceyu.