Lloteríes consigna n'Asturies 26,52 euros por habitante pa 'El Niño'

Les ventes dispárense n'Avilés dempués del quintu premiu de Navidá

Lloteríes y Apuestes del Estáu consignó n’Asturies pal Sortéu Estraordinariu de 'El Niño' 26,52 euros por habitante, el segundu mayor importe del país, frente a una media nacional de 17,5 euros.

Coles esta mañana pa probar suerte pal sortéu de 'El Niño' na alministración númberu 9 d’Avilés, dempués del quintu premiu que dio en Navidá. Dempués de repartir cuasi 4 millones d’euros col 89109, les ventes disparáronse dende’l 23 d’avientu y tán agotando los décimos de 'El Niño'.

Inclusive dalgunos de los premiaos van otra vuelta a l’alministración pa volver a tentar a la suerte.

'El Niño' dexó l’añu pasáu un tercer premiu na ciudá na alministración de Villalegre. Pero’l gordu del día de Reis resístese y ye que va más de 50 años que nun toca n’Avilés.​