Luis Vázquez del Fresno robla'l títulu col qu'entama la 75 temporada de la Ópera d'Uviéu

'La Dama del Alba' ye fiel a la obra d'Alejandro Casona

El compositor Luis Vázquez del Fresno robla'l títulu col qu'entama la 75 temporada de la Ópera d'Uviéu. 'La Dama del Alba' ye fiel a la obra d'Alejandro Casona y naz n'Asturies con una vocación universal. Esa ye la intención del compositor, que ta arguyosu de ver acabáu esti proyectu qu'entamó fai más de 30 años y de que s'estrene'l domingu.

'La Dama del Alba' lleva sonando na cabeza de Luis Vázquez del Fresno desque escribió'l llibretu a finales de los años 80. Agora tamién s'escucha nel teatru Campoamor cola dirección musical de Rubén Díez, y la escénica d'Emilio Sagi.

La ópera ye fiel a la obra d'Alejandro Casona, asina lo quixo'l compositor.

La temática atemporal y universal de 'La Dama del Alba' faen d'esta ópera nacida n'Asturies una obra perfectamente esportable a otros teatros. Luis Vázquez del Fresno espera que nel so estrenu seya bien acoyida, anque confiesa qu'él yá se siente arguyosu.

'La Dama del Alba' ye'l primer títulu de la temporada d’Uviéu. Estrénase'l domingu 11 en cuatro pases con representaciones tamién el 13,15 y 17 d'esti mes.​