María José fuxó de los malos tratos al traviés d'una casa d'acoyida

Agora ayuda a otres muyeres que sufren violencia de xéneru

TPA Noticies faló con María José, una vecina de Candás. Tenía 45 años y tres fíos mayores d'edá, una con discapacidá, cuando decidió romper con 25 años de malos tratos. Nun ye nada fácil, pero, sorraya, con ayuda pue consiguise. Esi ye agora'l so oxetivu.

Cuenta cuándo entamó a facer frente al mieu y la culpabilidá que-y provocaba'l so ex.

Un día, nel añu 2004, cola so fía y lo puesto abellugóse en casa d'una amiga.

Rompía, definitivamente, con 25 años d'humildaciones y palices, dacuando, por retrasase en facer la comida.

Pasó seis meses nuna casa d'acoyida, onde deprendió a ser más fuerte, y formóse como auxiliar de xeriatría.

Conseña que toos tamos implicaos.

Da-y llerza, diz, ver cómo se reproducen los esquemes en pareyes cada vez más moces. Acaba d'apuntase como voluntaria pa los Puntos Lila de Carreño.

Entá güei sigue con velees, pero quier, sobre manera, ayudar.