Más de 15.000 persones axuntáronse na Comida na cai d'Avilés

El día grande de les fiestes d'El Bollu pon el so broche final

N'Avilés güei podía vese la imaxe de la hermandá, de la unión vecinal, de les cais atarraquitaes, de la fiesta d'asturianía que representa la Comida na cai d'Avilés y qu'esti llunes de Pascua axuntó a más de 15.000 persones.

Nun faltaron les tortielles, empanaes y el Bollu de Pascua que da nome a la fiesta. Una comida na cai que cumplió 30 años con un sol abrasador como protagonista.

Cola comida na cai multitudinaria Avilés punxo'l broche a les fiestes d'El Bollu 2023.