Más de 500 estudiantes aspiren a cursar el nuevu grau d'Inxeniería de Datos

La nota d'accesu ta na primer fase d'axudicación en 12,1

El nuevu grau de Ciencia y Inxeniería de Datos que va impartir la Universidá d'Uviéu'l próximu cursu rexistró 555 solicitúes de preinscripción cuando la ufierta total va ser de 50 places p'alumnos de nuevu ingresu con una nota d'accesu de 12,164, informó esti martes la institución académica.

Esti nuevu grau quier formar profesionales que puean encarar con eficacia y eficiencia los retos qu'impón la dixitalización en tolos sectores económicos y sociales, y pa ello los estudiantes necesiten un perfil multidisciplinar, capaz de demostrar competencies nos ámbitos de la informática, les matemátiques y la estadística.