Más de 800 alumnos de Xixón participen nel proyectu SwimSafe

L'actividá entamada pol Club Natación Santa Olaya cuntó con un simulacru de los bomberos na sablera de L'Arbeyal

Dellos neños yá saben qué faer y qué nun faer cuando llegue'l branu y toque esfrutar de la sablera. El proyectu SwimSafe enséñalos a respetar banderes y señales, a tar mui sollertes coles peñes, a tener cuidáu colos cambeos de temperatura cuando vayan dar un calumbón y, yá nel agua, a tar bien sollertes por muncho que paeza que'l mar tea sele, apunten Leo Álvarez y Nadia Buelga, participantes nel Proyectu SwimSafe.

Peligru. Persona n'apuros na sablera de L'Arbeyal. Cuando too falla entren en xuegu los equipos de rescate. Los bomberos de Xixón ficieron un simulacru pa los neños. Toca caltener l'aselu y dexar que los profesionales faigan el so trabayu nes meyores condiciones posibles señala Javier Costa, coordinador del Proyectu SwimSafe.

Habilidaes garraes pa combatir un datu que respiga. La metá de los muertos por accidentes acuáticos cada añu son neños.