Más de 800 asturianos sufren insuficiencia renal, el grupu más afectáu pol COVID-19 dempués de los mayores

La quinta xornada renal d'Asturies celebróse nel Hospital San Agustín d'Avilés

Los pacientes renales d’Asturies fueron el segundu grupu de población, dempués de les residencies de mayores, más afectáu pol COVID-19 n’Asturies según l’asociación Alcer.

Más de 800 asturianos sufren insuficiencia renal. Los más tienen ente 60 y 80 años. Llevar un vezu de vida saludable y facese pruebes d’orina davezu puen ayudar a la prevención de la enfermedá renal crónica aseguren los médicos.

Son dalgunes de les conclusiones de nefrólogos y espertos que se dieron cita nel Hospital San Agustín d’Avilés na quinta xornada renal d’Asturies.

Una xornada que tien como envís ayudar a enfermos y familiares a meyorar la so calidá de vida nel día a día con esta enfermedá.