L'Asociación Española fai un llamamientu pa pidir más medios escontra'l cáncer

Alumnos de Secundaria asisten a talleres sobre secuencies d'ADN nel Institutu Universitariu d'Oncoloxía

Avilés sumóse esta mañana a los actos entamaos pola Asociación Española escontra'l Cáncer por cuenta de la celebración del so Día Internacional.

Los participantes crearon un llazu humanu pa manifestar la solidaridá coles persones afectaes pola enfermedá y la unión de la sociedá escontra'l cáncer.

Non solo n'Avilés, tamién n'Uviéu, l'asociación entamó un actu y una mesa informativa pa sensibilizar na viéspora del Día Mundial escontra'l Cáncer.

L'aumentu de los peñeraos ye clave na llucha escontra la enfermedá. Ye una de les reivindicaciones.

Alumnos de Secundaria asisten a talleres sobre secuencies d'ADN

Y esta mañana, nel Institutu Universitariu d'Oncoloxía, alumnos de los institutos de Llangréu, Ibias y Salas tuvieron comparando célules con y ensin cáncer.

Los investigadores del centru propunxéron-yos xuegos y esperimentos sobre secuencies d'ADN. D'esta manera averáronse al trabayu que faen científicos de distintes rames nel tratamientu del cáncer.