Masymas retira la fruta cortao tres l'alerta sanitaria de listeriosis

La cadena namás va vender esti productu a pidimientu del veceru

Masymas estrema los procuros tres l'alerta sanitaria de listerioris. La cadena asturiana retira la fruta cortao ensin fríu y namás lo venderá a pidimientu del veceru.

Masymas refuerza los sos controles de seguridá alimentaria tres l'alerta sanitaria por listerioris. La cadena asturiana retira la fruta cortao ensin fríu de los sos supermercaos. Estrema los precuros y namás va vender fruta recién cortao a pidimientu del veceru.

Ye un datu que conocimos nuna xornada sobre bones práctiques celebrada nel centru de loxística de la cadena de supermercaos.

Una ventena d'empreses asturianes conocieron de primer mano les innovacciones tecnolóxiques que meyoren la eficiencia de tola operativa. Una d'elles ye un asistente de voz pa preparar pidíos que realiza indicaciones precises y interactúa col operariu.

Masymas cerró 2018 con una crecedera de cuasi'l 6%, que se caltién no que va de 2019. Anguaño la cadena abrió nueva tienda propia en Siero y nos proximos meses va esportar a Lleón lo último en supermercaos de la marca. Va abrir un gran establecimientu como'l que tien instaláu nel centru comercial INTU Asturies.