Tostao y con matices afrutaos. Asina ye Mayada, ellaborao con malta de cebada y un componente que lo fai único y especial: lleldu de sidra, un ingrediente que se xenera na producción de sidra nel llagar y qu'hasta agora nun tenía nenguna utilidá.
Mayada nun sabe nin a sidra nin a mazana, sabe a cerveza.
18.000 botelles van salir de les sos instalaciones a partir de güei. Ye la primer tirada, que va tar a la venta namás en chigres, restauranes y pequeñes tiendes. Y namás n'Asturies
La cerveza Mayada ye una iniciativa impulsada cola collaboración del llaboratoriu Talentuo de la Universidá d'Uviéu qu'ayuda a los entamadores colos sos proyectos. Pel momentu produzse na vecina Lleón a la espera de cuntar n'Asturies con instalaciones pa la so ellaboración cerca de los llagares.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL