Menos del 5% de los oricios n'Asturies algama'l diámetru afayadizu pa ser garraos y comercializaos

Los espertos aconseyen que se caltenga la veda a la pesca del equinodermu

Menos del 5% de los oricios de la mariña asturiana algama los 55 milímetros de diámetru necesarios pa ser garraos y comercializaos.

Por eso, espertos de la Facultá de Bioloxía como Julio Arrontes aconseyen a la Dirección Xeneral de Pesca que se caltenga la veda a la pesca del equinodermu.

La Dirección Xeneral fai un siguimientu dende va cuatro años de 12 pedreos asturianos y solo en dos del occidente la situación ye meyor.

L'oriciu necesita polo menos cinco años p'algamar la talla que se dexa pa la so pesca. Esa medría depende del so alimentu, si nun tien medra poco y el so menor tamañu mengua la so capacidá de reproducción.