Moriyón anuncia que falará nel Plenu del 'casu Enredadera'

Asegura que falará pola so propia voluntá y non por pidimientu de la oposición

L'alcaldesa de Xixón, Carmen Moriyón, dixo güei que comparecerá, xunto a otros miembros del equipu de gobiernu, nel Plenu que se celebrará esti xueves sobre'l 'casu Enredadera' pa dar "les esplicaciones qu'haya que dar".

L'alcadesa matizó que dará esplicaciones en nome del equipu de gobiernu y por propia voluntá y non porque lo pida la oposición.

La rexidora entrugóse'l motivu del "plasmu" por parte de los grupos de la oposición respecto a les intervenciones na sesión plenaria, que tará compuesta de "dellos turnos" y nunu d'ellos intervendrá.

Moriyón enfótase en "poder siguir trabayando por Xixón hasta l'últimu momentu" p'abordar les "coses reales que queden por solucionar esti mandatu".

Per otru llau, recordó que, dende l'entamu de la temporada de baños, la calidá del agua ye "apta" pa los usuarios.