Mual volverá a tener bar dos décades dempués de que zarrare l'últimu

Una pareya moza con fíos ponse al frente del establecimientu cangués

Dende esti sábadu, Mual, en Cangas del Narcea, volverá a cuntar con bar, más de 20 años dempués del pieslle del últimu.

La so puesta en marcha foi’l primer proyectu de la cooperativa vecinal Puerta de Muniel.los, pa tratar de dar vida al pueblu y ufiertar oportunidaes llaborales nel mediu rural.

Una pareya moza, con dos fíos, ponse al frente del establecimientu que, enagora, abrirá de vienres a domingu y festivos. Esperen, non solo ufiertar un serviciu a los vecinos, sinón tamién a los munchos turistes que visiten la zona.