Naz la Rede d’Ayuda y Cuidaos d’Asturies

L’oxetivu ye que la rede funcione en tolos conceyos

Esta selmana púnxose en marcha la Rede d’Ayuda y Cuidaos d’Asturies, una iniciativa de la Fundación Mar de Niebla, p’atender a les persones con dalgún tipu d’emerxencia, dende mayores que necesiten medicines, hasta families con problemes económicos que nun puen llegar a alimentos.

Al traviés de la rede europea de llucha escontra la probeza munches entidaes sociales d’Asturies tán yá collaborando con Delegación de Gobiernu, Principáu y ayuntamientos. L’oxetivu ye que la rede funcione en tolos conceyos.

En cuatro díes recibiéronse un centenar de consultes. Los promotores de RACA faen un llamáu importante a la corresponsabilidá de los que quieren ayudar.

Col adelantu del cobru del salariu social a entamos de selmana, van resolvese emerxencies a curtiu plazu, que dexarán a la rede ganar tiempu.