Navia, primer Ayuntamientu que tien un inventariu de caminos municipales

Esti documentu evitará pleitos sobre les llendes de los terrenos

L’Ayuntamientu de Navia ye dende va unos díes el primeru del Principáu que tien un inventariu de caminos municipales.

Dempués d’un añu de trabayu’l consistoriu cuenta con esti documentu, qu’identifica cuasi mil viales, y qu’ayudará a evitar por exemplu, discusiones sobre les llendes de los terrenos.

En daqué más de 63 kilómetros cuadraos, Navia suma 450 kilómetros públicos repartíos en 988 caminos. Cifra resultante d’un añu de gran trabayu col que se pon el ramu a una vida de pleitos vecinales o col Ayuntamientu, gracies a un documentu qu’ayudará a resolver cualquier dulda.

Una iniciativa precursora marcada pol so calter participativu al cuntar cola opinión de los vecinos de toles parroquies del conceyu.

Nel so desendolcu tuviéronse en cuenta 46 suxerencies. El proyectu final recibió siete alegaciones de les que se tuvieron en cuenta, parcial o totalmente, cinco.

Un proyectu precursor col que Navia marca’l camín a los demás ayuntamientos d’Asturies.