NorteRenovables va amosar el potencial d'Asturies en nueva enerxía

Los próximos 18 y 19 d'ochobre celebraráse'l III Salón de la Enerxía nel Pabellón de La Madalena d'Avilés

La directora xeneral d'Enerxía, Minería y Reactivación del Principáu, María Belarmina Díaz, declaró esti xueves que’l III Salón de la Enerxía NorteRenovables va demostrar el potencial que tien Asturies y Avilés como proveedor d'equipos y componentes pal sector, “que yá ye una realidá perclara porque ta liderando nesti campu”.

Díaz presentó los conteníos del salón, que va tener llugar los próximos 18 y 19 d'ochobre nel Pabellón de La Madalena, nun actu que cuntó cola participación del conceyal de Desenvolvimientu Urbanu y Económicu, Manuel Campa; el director xeneral de la Sociedá de Promoción Esterior de Principáu d'Asturies (Asturex), Bruno López Vizcón, y la presidenta de la Comisión de Promoción Económica de la Cámara d'Avilés, Mónica Blanco.