Nos últimos cuatro años duplicáronse les obres tornaes a llingua asturiana

Los traductores defenden que'l so llabor ye esencial pal asturianu

Los llibros tornaos a llingua asturiana o al gallego-asturianu cuasi se duplicaron nos últimos cuatro años. De 2019 al 2022, asoleyáronse 58 obres tornaes, mientres que nos cuatro años anteriores, fueron 31. El sector espera qu’esti númberu siga medrando hasta asitiase nes cifres d’entamos de los años 90, cuando se superaba la trentena d’obres cada añu.

Dende 1985 hasta l’añu pasáu, tornáronse al asturianu más de 500 llibros y namás nueve al gallego-asturianu.

El xéneru más tornáu ye la lliteratura infantil y xuvenil que suma la metá d’eses obres.

Nos últimos cuatro años duplicáronse les obres tornaes a la llingua asturiana

Miguel Sánchez estudió traducción y interpretación en Salamanca y cunta col C1 en llingua asturiana. Yé ún de los ocho miembros de l’asociación de traductores profesionales, Verbéu, qu’edita la revista Brandal. Miguel tornó 'Guillem', de Núria Cadenes.

Xesús González llegó a ser traductor per otra vía. Él ye médicu, cunta col C1 y una renomada trayectoria. Una de les sos últimes tornes ye '1984'. Duru trabayu, sobre manera, pola "neollingua", l’idioma ficticiu creáu por Orwell na novela.

Los traductores defenden que’l so llabor ye esencial pa la llingua asturiana, y non solo nos ámbitos lliterarios o académicos, tamién nel audiovisual o’l de la publicidá.