Nueva xornada de vacunación ensin cita n'Asturies

Un total de 69 asturianos recibieron yá la tercer dosis de la vacuna

Güei ye 'Vac Friday', esto ye, día de vacuna ensin cita escontra la COVID-19 n'Asturies. Cualquier persona entá ensin vacunar pue facelo en cualesquier de los ocho puntos de vacunación allugaos en cada área sanitaria.

Ye'l tercer día de vacunación ensin cita entamáu por Salú, con esto quier llegar a una cifra mayor d'asturianos inmunizaos. Les persones interesaes en recibir la vacuna tienen que presentar el so DNI o la so tarxeta sanitaria pa recibir la dosis.

Amás, güei empieza la campaña pa vacunar, ensin cita, a alumnáu y personal de la Universidá d'Uviéu. Van ser seis xornaes de vacunación en total.

Un total de 69 asturianos recibieron yá la tercer dosis de la vacuna

Un total de 69 asturianos recibieron yá la tercer dosis de la vacuna, indicada dende'l 7 de setiembre pa persones con inmunodeficiencies, como dellos tresplantaos.

Ayeri la Comisión de Salú Pública aprobó l'alministración d'esta dosis de refuerzu pa los mayores que viven en residencies y a pacientes con patoloxíes d'altu riesgu.