Nueve cuerpos alcontraos na fuexa de Parasimón 2

La 'Sociedad de Ciencias Aranzadi' trabaya pa sacalos

Son nueve cuerpos. Nueve homes que fueron executaos na lladera izquierda de la xubida a El Puertu Payares en payares de 1937 pol réxime franquista. L’arqueólogu Antxoca Martínez ye’l director de la estracción de la fuexa Parasimón 2.

L’equipu que trabaya pa rescatar los sos cuerpos de la segunda fuexa de Parasimón failo asina: con pincel, con procuru. Tamién criben la tierra qu’hai alredor de caún d’ellos pa recuperar pequeños güesos o dientes. Lourdes Herrasti, antropóloga de la 'Sociedad de Ciencias Aranzadi' trabaya sacando los cuerpos.

Estracción de los cuerpos y, más tarde, en llaboratoriu, del so ADN. El pasu final, el qu’esperen los familiares pa confirmar cuál d’estos cuerpos, a cuál d’estos númberos, puen llamar 'güelu', como-y pasa a Luis Naves Cienfuegos o a Clara Gutiérrez.

Paz pa los familiares y xusticia y dignidá pa les víctimes.