Radiotelevisión del Principáu d'Asturies Radiotelevisión del Principado de Asturias
Webcams Viernes 23 de febrero | Corporativo | Contacto |
Notas de voz al 666 333 222
Buscar |
Síguenos en
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 25 de xunu. 2019 21:48

Nuevu ciclu pal Hotel Balneariu La Casona de Mestes

Nuevu ciclu pal Hotel Balneariu La Casona de Mestes

Xamín Abella ye'l nuevu responsable del agospiamientu

Nuevu ciclu pal Hotel Balneariu La Casona de Mestes, unu de los establecimientos más emblemáticos del conceyu de Ponga y que foi pioneru nel Turismu Rural n'Asturies.

Allugáu al pie del ríu Ponga, nun paraxe idílicu, l'Hotel Balneariu La Casona de Mestes abrió les sos puertes en 1988 tres la restauración llevada alantre pol Principáu d'Asturies, propietariu del inmueble. Xamín Abella ye'l so nuevu responsable. A la la hora de desplicar qué-y fizo asumir esti negociu confiesa ser un namoráu de Ponga.

Xamín ye un cocineru qu'entamó nos fogones de forma autodidacta y que, yá como profesional, trabayó nel vecín conceyu d'Amieva. En Mestes, a esti inxenieru técnicu de mines, tocará-y facer de too, non solo cocinar.

Nieves y Jorge, los anteriores xestores de la Casona de Mestes, que dirixeron los postreros 30 años, dexen el testigu estos díes a Xamín a quien asesoren. Saber que l'emblemáticu establecimientu, que caltién una vecería mui fiel, sigue abiertu, fai que tean más que satisfechos.

Nesta nueva etapa qu'agora entama na Casona de Mestes, Xamín va dirixir un equipu formáu por tres persones y, tres el branu, tien como retu meyorar les instalaciones termales d'esti hestóricu balneariu.

Comparte esta noticia
banner publicidad

© 2022 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL