Un documentu va analizar les posibilidaes de desenvolvimientu del sector de la moda

El sector cunta n'Asturies con una vertiente industrial integrada por 213 empreses

La Dirección Xeneral de Comerciu del Principáu ta trabayando, en collaboración cola Asociación de Diseñu y Moda d'Asturies (Adymo), qu'axunta a mediu centenar d'empreses y profesionales, na ellaboración del Programa Moda Asturies coles mires de promover el desenvolvimientu d'actividaes venceyaes al diseñu, fabricación y comercialización de productos testiles, complementos y xoyería.

L'oxetivu ye facer un documentu de calter estratéxicu que, partiendo d'un diagnósticu del sector del diseñu y la moda n'Asturies, identifique les principales necesidaes n'ámbitos como la formación, la promoción o la comercialización.

Según el director xeneral de Comerciu, Emprendimientu y Economía Social, Julio Zapico, traten de trabayar a comuña pa conocer la realidá del sector y afitar llinies d'acción concretes pa impulsar l'actividá y l'empléu d'un colectivu profesional qu'integra a creadores y diseñadores y que tien una amplia rede d'establecimientos comerciales.