Con 26 años, Iris López Marqués ye la directora d'escuela más moza de la rede pública española. Estrena'l cargu nel Centru Rieguarriba, d'Ouviñana, que cunta con 11 alumnos matriculaos, d'Infantil y Primaria, d'ente 3 y 6 años.
Iris asume esta responsabilidá con muncha ilusión, a pesar de que surdió en plena crisis sanitaria. Maestra por vocación, siempres tuvo claro que quería facer un trabayu venceyáu colos más pequeños.
Dempués d'un añu como tutora d'infantil nel Colexu Públicu Cabueñes, de Xixón, ser directora d'un centru de la zona rural supón un gran cambéu.
Anque esti cursu va ser difícil pa maestros y alumnos, el ciñu pola enseñanza consigue salvar cualquier tipu de torga.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL