Uviéu celebra la declaración de guerra a los franceses en 1808

Una recreación histórica homenaxea a los protagonistes del alzamientu asturianu

Uviéu rememoró los fechos pasaos en 1808, tal día como güei, nos que la Xunta Xeneral del Principáu declaróse soberana y declaró la guerra a los franceses.

Una recreación histórica na que se recuerden los acontecimientos d’aquella xornada histórica. Napoleón invadiere España y dende Madrid, llegaron órdenes pa que la Xunta Xeneral del Principáu se sometiere al exércitu francés. Anque de mano acatáronse, un alzamientu popular fizo que se diere marcha atrás.

Proclamóse entós una Xunta Suprema, nomada na sala Capitular de la Catedral, que reconoció la soberanía popular y declaró la guerra a los franceses.

Un exércitu d’unos 30.000 asturianos lluchó dende entós na Guerra de la Independencia. La rebelión n’Asturies foi clave nuna griesca que cuatro años más tarde traxo la primer Constitución española.

Esta nun ye namái una recreación histórica, sinón tamién la puesta en valor d’un fechu a vegaes escaecíu y que según los espertos debería tener una mayor reconocencia na nuestra historia.