Podemos Asturies alvierte escontra l'usu "fraudulentu" del nome del partíu por parte del equipu de Tomé

Señala que la única convocatoria oficial d'asamblea ye la del 6 d'ochobre n'Avilés

Podemos Asturies alvierte escontra l'usu "fraudulentu" del nome del partíu por parte del equipu de Covadonga Tomé. Failo vía twitter y hores enantes de l'asamblea que la diputada de la formación morada convocó pa esta tarde n'Uviéu.

Nes sos redes sociales, Podemos señala que la única convocatoria oficial d'asamblea ye la del 6 d'ochobre, n'Avilés. Y noma al restu de falses y d'usu “fraudulentu" del nome del partíu.

Nel alcuentru previstu pa esta tarde, l'equipu de Tomé quier abordar l'actualidá política y la xestora, señalen, tres la dimisión de Sofía Castañón y la falta de diálogu que consideren qu'hai por parte de la dirección.

El partíu nun se plantega pel momentu la convocatoria d'unes primaries. Nomó un equipu técnicu lideráu por Rafael Palacios.