Podemos Equo presentará una proposición pa pidir al Gobiernu central que declare la tauromaquia como maltratu animal

Aseguren que les corríes de toros nun tienen sitiu nuna sociedá como l'actual

Podemos Equo, xunto cola asociación animalista Anadel, llevarán al plenu municipal una proposición pa que l’ayuntamientu pida al Gobiernu central que declare la tauromaquia como maltratu animal.

Aseguren que la ciudadanía demanda’l cese de tou tipu de maltratu y que les corríes de toros nun tienen sitiu nuna sociedá como l’actual. Sobre l’usu cultural d’El Bibio celébrenlo y recuerden qu’ellos yá lo solicitaron años enantes.

Anadel per parte de so califica la decisión del cese de los espectáculos taurinos como agridulce por nun ser el maltratu animal el motivu, pero agradez la decisión. Aseguren que cunten con abondes propuestes pa dar un nuevu usu a la plaza y nun afectar asina a los hosteleros de la zona.

Quieren tener nes feches vinientes una xunta cola alcaldesa de la ciudá.