Preciu récor pa la primer angula de la temporada

A 7.000 euros el kilo en Ribeseya y cuasi 4.600 euros el kilo na puya de L'Arena

Preciu récor pa la primer angula de la temporada. Puyóse esta mañana en Ribeseya a más de 7.000 euros el kilo. El comprador foi’l restaurán El Campanu.

Cuasi 4.600 euros el kilo na puya de L'Arena

La primer tina d’angula de la costera de Sotu’l Barcu foi comprada pol empresariu Delfín Jesús García, de la empresa Angurrica.

Fueron 90 gramos, que se vendieron na rula de L’Arena a 4.599 euros el kilo. Fueron capturaos en Cuevas, Valdes.

Los anguleros sotobarquinos decidieron nun salir entá y entamar la costera a mediaos d’esti mes. Confíen en que meyoren les condiciones del ríu. Afirmen que la falta d’alevines ye por mor de les altes temperatures y poques lluvies d’esta seronda.

Pal ganador de la puya ye una tradición puyar por esti esclusivu manxar que, según paez, sedrá un regalu pa so madre.