Caltener la identidá de les ciudaes calteniendo los rótulos y lletreros de los negocios tradicionales

La Rede Ibérica de Defensa del Patrimoniu Gráficu pide que se notifique’l cierre o esbarrumbe d’estos establecimientos

Restaurar y caltener el lletreru de los años 50. Esa foi la decisión de los dueños d’una farmacia asturiana cuando llevaron alantre la reforma del local.

La Rede Ibérica de defensa del patrimoniu gráficu defende’l caltenimientu d’estos rótulos como parte de la identidá de les ciudaes. "Hashtags" como #patrimoniografico n’Instagram permiten a los miembros d’esta comunidá tar en contactu y descubrir cartelos nuevos.

Nos pueblos zarra un comercio y nun llega otru, lo que garantiza’l caltenimientu de los rótulos, imposible nes grandes ciudaes, onde les cadenes ocupen los más de los locales. En conceyos como Grau, Bual y Cangas del Narcea son munchos los qu’entá se caltienen.

La intención final ye contar coles instituciones p’apoyar la iniciativa.

Dende la Rede llamen a los ciudadanos a tar atentos nel so barriu cuando un negociu zarra o esbarrúmbase un edificiu, creando asina una rede de collaboradores a nivel estatal.