Primer especialidá de Psicoloxía Clínica pa dempués del branu

Los psicólogos residentes van poder escoyer ente formase en patoloxíes d'adultos o menores

Los psicólogos clínicos conseñen na necesidá de que seya un especialista n'infantil y xuvenil, quien cure la salú mental de los menores nel sistema públicu.

Esta demanda histórica ta más cerca. El compromisu del Gobiernu ye que la especialidá seya una realidá dempués del branu. Va ser la primer especialidá de la Psicoloxía Clínica, polo que los PIR, los psicólogos internos residentes de la salú pública, van poder escoyer ente formase en patoloxíes d'adultos o menores.

Anguaño, namás roten seis meses en centros infanto-xuveniles.

Unos 440 psicólogos trabayen n'España de manera específica con esti colectivu. Van ser regulaos por un sistema d'homologación.