Fuelga n’Alsa convocada pol sindicatu CSI

La compañía denuncia ataques vandálicos organizaos  

La primer xornada de la fuelga indefinida convocada pola Corriente Sindical d’Izquierdes (CSI) n’Alsa Asturies ta desendolcándose col cumplimientu de los servicios mínimos afitaos pol Consorciu Rexonal de Tresportes y el Ministeriu de Fomentu y con ataques a dalgunos autobuses de la compañía, de los que se desmarcó la central sindical.

Según informa la empresa, güei rexistráronse la rotura de llunes en siete vehículos, estrozos que s’amiesten a los sufríos por otros 19 autobuses dende’l xueves pasáu, los más d’ellos cuando taben circulando y con pasaxeros dientro.

Los servicios mínimos, del 25% nes rutes con orixe y destín dientro del Principáu, y del 50% pa los trayectos interrexonales o nacionales de llargu percorríu, tán cumpliéndose, según les mesmes fontes, que cifren el siguimientu del paru en 45 de 750 trabayadores de la empresa.