Protesta de ganaderos na inaguraución d'Asturforesta pola intención de protexer al llobu

La Feria amuesa la riqueza productiva caltenible de la viesca d'Asturies

El Principáu promociona na Feria Internacional Forestal Asturforesta 2021, de Tinéu, la riqueza productiva caltenible de les viesques asturianes y la so importancia pal mediu rural, según resaltó esti xueves el Gobiernu asturianu.

L’oxetivu ye emponderar tola riqueza productiva d’estos espacios naturales, non solo como xeneradores de madera, sinón tamién pa la producción de pastos y el caltenimientu de les races autóctones.

La inauguración de la feria tuvo marcada pola protesta llevada alantre por un grupu de ganaderos p’amosar la so oposición a la decisión del Ministeriu de Transición Ecolóxica d’inxertar al llobu nel catálogu d’especies protexíes, una decisión sobre la que, según Calvo, el Gobiernu asturianu caltién una posición "clara" de refugu.

La protesta d’esti colectivu llevó a la presidenta del PP d’Asturies, Teresa Mallada, a renunciar a participar nos actos d’apertura del certame énte’l "paripé" ente los gobiernos central y autonómicu en rellación cola xestión del llobu, un ámbitu nel que l’Executivu autonómicu diz que nun acepta medrar la protección de la especie, "pero cola boca pequeña".