Protesta en Pielasierra, en Llanes, pa pidir que nun valten los murios construyíos por un vecín

Una obra que fixo ensin permisu municipal y que'l Conceyu obliga a tirar

Los vecinos de Pielasierra, en Llanes, xuniéronse pa evitar que'l Conceyu tire los murios de piedra d'un camín del pueblu. Unu de los paisanos decidió recuperalu va unos meses al tar en desusu pol so mal estáu de caltenimientu, pero'l problema ye que tamién construyó los dos murios d'unes finques ensin los permisos d'obra municipales.

El Conceyu oblígalu agora a valtalos porque, según fontes municipales, tampoco dexó cuatro metros de retranquéu ente los murios y l'exe central del camín afectáu, como obliga la normativa urbanística autonómica pola que se tien que rixir esti conceyu al nun haber un plan urbanu propiu.

Precisamente, los vecinos de Pielasierra concentráronse a lo llargo d'esi camín pa que nun-yos tiren los murios d'un camín mui transitáu polos paisanos.

El Conceyu va asfaltar esti camín namás se resuelva'l conflictu de los murios de piedra.