Ramón Secades, 60 años dedicaos al San Esteban de Ciañu

A los sos 83 años Secades va a diario pa poner too a punto nel campu de fútbol que lleva'l so nome

Corría l'añu 1962 cuando'l futbolista Ramón Secades empezaba a militar nel equipu, fundáu apocayá, de San Esteban de Ciañu. Un mozu llangreanu que llueu se xuniría a la directiva del club y, una década dempués, asumiría la presidencia.

Siendo testigu directu de la evolución d'esti deporte yá ente los sos xugadores.

Anguaño, 70 futbolistes de categoría Alevín a Xuvenil formen el San Esteban. Un equipu humilde, xuníu y con munchu trabayu al llombu, defende'l so alma mater. Nun hai más que ver el so día ente día. Con 83 años, Secades va a diario pa poner too a punto. Eso sí, los terrenos de xuegu yá nun son lo que yeren.

Pola so implicación col club, Llangréu decidió dar un nuevu nome al campu. El suyu: Ramón Secades.

60 años, que se dicen rápido, amestáu al club y los colores de la so vida: los del San Esteban de Ciañu.