Reconocencia pa la central de Proaza

L'equipamientu yá forma parte del rexistru de la Fundación Docomomo Ibérico

La central hidráulica d'EDP en Proaza, obra de Joaquín Vaquero Palacios, yá forma parte del rexistru de la Fundación Docomomo Ibérico. Reconozse asina esta instalación como un exemplu únicu del patrimoniu industrial del país.

Esta obra práctica y artística lleva 55 años en funcionamientu y llama l'atención pola so integración col paisaxe de la redolada.

L'espaciu central abiertu dexa la observación de la planta suétanu onde s'alluguen los alternadores. Un diseñu que funcionalmente nun ye necesario pero que busca asemeyar un templu de la enerxía. Campos magnéticos y motivos eléctricos inspiren los murales.

Por ese motivu, la Fundación Docomomo inclúi esta central nel so rexistru d'arquitectura industrial, qu'inclúi un total de 183 obres n'España.