Vuelta a les clases en tolos niveles

L'alumnáu de FP entamará'l 15 de setiembre

Güei 12 de setiembre entama’l cursu pa toles etapes educatives. Nun hubo diferencies. Alumnáu d’Infantil, Primaria, ESO y Bachilleratu entamaron nesta xornada las clases.

Clases qu’entamen con un 1% menos. Pierden alumnáu, sobre manera, les d’Infantil y Primaria, al rodiu d’un 3%, mientres que xuben un 2% en Secundaria y Bachilleratu.

Una medría d’alumnáu que nel casu del IES Roces, en Xixón, dexólos ensin espaciu. Ellí dedicaron les primeres hores del día a trabayar col tutor y conocer a los sos nuevos compañeros.

La Universidá d’Uviéu entama’l cursu académicu con 18.923 alumnos y alumnes matriculaos

La Universidá d’Uviéu entama’l nuevu cursu académicu. Matriculáronse más de 18.900 estudiantes de los que 16.000 son de grau, cuasi 1.500 de máster y 1.200 de doctoráu.

Los graos que más matrícules tuvieron son Alministración y Dirección d’empreses, Derechu, Maestru, Comerciu y Marketing y Inxeniería mecánica.

Amás cerca de 4.900 alumnos y alumnes son de nuevu ingresu anque’l periodu de matriculación ta abiertu hasta’l 14 d’ochobre.

Esta mañana día de realcuentros colos compañeros y tamién, dicíen, d’afrontar con ganes esti nuevu cursu.