Ribeseya presenta la ruta de 'Les Muyeres Ribeseyanes'

Un percorríu que quier homenaxear a les muyeres de la sociedá rural del conceyu

L’Ayuntamientu de Ribeseya pon en marcha una ruta dedicada a les ribeseyanes por mor del día internacional de la Muyer.

La ruta de 'Les Muyeres Ribeseyanes' ye de cinco kilómetros, una duración de dos hores y una dificultá baxa pel cascu urbanu de la villa.

El percorríu quier homenaxear a les muyeres de la sociedá rural del conceyu. La ruta descubre a muyeres escaecíes pola historia y a les que taben presentes nos gremios más representativos d’esa dómina.

Fueron llabradores, pescadores, trabayadores de les fábriques de conserva y munches otres más qu’acompañarán a los senderistes nel percorríu.