Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 28 de mayu. 2020 22:42

Rincones d’Ayer

Cascada de Xurbeo
Rincones d’Ayer

El Salto Xurbeo

L’apertura al visitante d’El Salto Xurbeo fai yá una década xeneró un destacáu impactu turísticu nel pueblu ayerán de Murias.

Foi l’Asociación Cultural La Colexata la qu’impulsó’l so descubrimientu; y con poca inversión convirtióse nel recursu más visitáu del conceyu.

Pa llegar a él gárrase’l camín xusto al llau del pueblu, una ruta cenciella, de malapenes kilómetru y mediu, que va per una viesca autóctona trupa; a pocos metros pa la llegada, alcontramos un pequeñu desnivel d’unos 400 metros, que bien merecen l’esfuerzu pa esfrutar de la cayida de más de 20 metros.

Otres iniciatives parten de La Colexata pa dar vida a esta zona del valle d’El Río Nigru.

Celébrase l’últimu fin de selmana de xunetu, y esti 2020 algamaría la so 21 edición. Por mor de la situación d’anguaño, l’Asociación decidió suspender la tradicional Feria del Coleccionismu.

Conviden eso sí a la del añu qu’entra, pa esfrutar d’una cita referente del sector na qu’espositores de toda España desplieguen tol color de les sos pieces.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL