Riveiro remata'l so segundu documental sobre l'emblemáticu 'Rambal'

L'asesinatu d'esti personaxe de Xixón sigue ensin resolvese más de 40 años dempués

El cineasta asturianu José F. Riveiro acaba de rematar el so segundu documental 'Rambal... si yo te hablara', un trabayu sobre unu de los personaxes más emblemáticos de Xixón: Alberto Alonso Blanco 'Rambal'. El so asesinatu sigue ensin resolvese más de cuatro décades dempués.

Tamos nel corazón de Cimavilla, el barriu altu, de pescadores, el barriu de Rambal, una figura presente dende esi día que nos recuerda José Riveiro.

Mientres avanzamos pela cai pela que fuxó l'asesín de Rambal, o los asesinos, Riveiro fálanos de cuasi cinco meses de preproducción que sirvieron p'afayar un Rambal distintu.