Xixón celebra'l Día de les Viesques llantando carbayos y cerezos

La viesca cerca la ilesia de Roces da la bienvenida a 400 árboles

Xixón vuélcase güei col Día Mundial de les Viesques. Y failo de la meyor manera posible: llantando ún. El llugar escoyíu foi la viesca cerca la ilesia de Roces.

En tola mañana cientos de families, en collaboración colos trabayadores d’Emulsa, punxéronse manes a la obra pa llantar carbayos y cerezos. En total, 400 árboles.

Munchos adoptaren yá’l so árbol na pasada edición de Mercaplana. Los últimos meses cuidáronlos hasta que llegare esti momentu. Otros, recoyeron l’árbol in situ. Xuntos, fueron poblando un prau de Roces de carbayos y cerezos.

Fesoria en mano, con munchu procuru de que l’árbol quede bien llantáu y afitáu al poste que lu ayudará a medrar, lo más pequeños deprendieron güei una llección mediuambiental de la meyor forma posible: nel tarrén.

Nueva vida pa esti espaciu que se convierte agora nuna viesca con 400 árboles.

Dempués de dos años de parón, Xixón recupera una de les sos actividaes más concienciaes cola naturaleza.​